Tricycle driver, patay sa ambush
MANILA, Philippines — Isang tricycle driver na kilalang aktibo sa pagsuporta sa kampanya ng kanilang local government laban sa illegal na droga ang nasawi nang ito ay pagbabarilin sa ganap na ambush sa highway sa Sitio Malabuaya, Barangay Kayaga, Kabacan, Cotabato nitong umaga ng Linggo.
Kinilala ang nasawing biktima na si Brocks Kasulutan Blaem, residente ng Barangay Bulod,Datu Montawal sa Maguindanao del Sur.
Sa inisyal na ulat ng mga otoridad na minamaneho ni Blaem ang kanyang tricycle na may kargang palay at mais, patungo sa poblacion nang tambangan ng mga armadong kalalakihan.
Nang masigurong napatay ang biktima ay na mabilis tumakas ang mga suspek.
Patuloy ang imbestigasyon ng pulisya at inaalam kung may kaugnayan ang pagpatay sa biktima sa pagiging aktibo nito laban sa illegal drugs sa kanilang lugar.
- Latest
