2 lasing 2 lasing nagkapikunan: 1 tepok

CAVITE , Philippines — Patay ang isang lalaki makaraang saksakin sa tiyan ng kainuman nito kamakalawa ng gabi sa Brgy. Kaypaaba, Gen. Aguinaldo, dito sa lalawigan.

Kinilala ng pulisya ang biktima na si alyas “Arcanghel”, nasa hustong gulang, residente ng nasabing lugar habang ang suspek ay tinukoy lang sa alyas na “Victorino”, 33-anyos, residente din ng nasabing lugar.

Sa imbestigasyon ng pulisya, alas-8 ng gabi, habang nag-iinuman at kapwa lasing na ang mga suspek nang bigla silang magkapikunan.

Sa galit ng suspek, dinampot nito ang patalim at sinaksak sa tiyan ang biktima.

Naitakbo sa pagamutan ang biktima subalit hindi na naisalba pa ng doktor ang buhay nito.

Naaresto naman ng mga rumes­pondeng pulis ang suspek na nahaharap sa kasong pagpatay.