10 na patay kay ‘Opong’ sa Bicol region

LEGAZPI CITY, Albay, Philippines - Umakyat na sa 9 katao ang nasawi sa lalawigang ito at isa ang nasawi sa Catanduanes dahil sa pananalasa ng bagyong Opong.
Sa inilabas na ulat ni Gremil Alexis Naz, tagapagsalita ng Office of Civil Defense-Bicol, bukod sa mga nasawi, dalawang katao ang naiulat na nawawala sa kasagsagan ng bagyo. Isa sa bayan ng Uson, Masbate; at isang mangingisda na pumalaot sa bayan ng Baras, Catanduanes at apat katao ang nasugatan.
Sa inisyal na danyos sa imprastruktura mula sa Masbate umabot na sa halagang P31,496,443; habang nasa P450,000 sa kalawigan ng Sorsogon.
Ang Masbate City airport ay nagtamo ng tinatayang P10-15 milyong pinsala sa nasabing insidente.
Sinabi naman ni OCD Deputy Administrator Assistant Secretary Bernardo Rafaelito Alejandro IV, nasa 362,931 pamilya o halos P1.4-milyong katao ang naapektuhan sa buong lalawigan.
“The hardest-hit area so far is Masbate, particularly Masbate City and the municipalities in Ticao Island and Burias Island. The extent of the damage has been severe,” ani Alejandro.
Naitala sa 13,393 pamilya o kabuuang 45,000 katao ang kinakanlong sa 828 evacuation centers habang 16,154 pamilya naman o katumbas na 57,000 indibiduwal ang pansamantalang nanuluyan sa kanilang mga kamag-anak.
- Latest















