Lolo na may akay na bike, inararo ng bus
CAVITE, Philippines — Halos mabiyak ang ulo ng isang 65-anyos na lalaki matapos na araruhin ng isang pampasaherong bus habang tumatawid akay-akay ang kaniyang bisikleta, kamakalawa ng gabi sa Antero Soriano Highway, Barangay Makina, Naic, dito sa lalawigan.
Dead-on-arrival sa ospital ang biktima na kinilalang si Nelson Bating, 65-anyos at residente ng Timalan, Naic, Cavite habang nasa kustodiya na ng pulisya ang driver ng bus na si alyas “Jhon”, 47-anyos, ng Barangay Munting Mapino, Naic, Cavite.
Sa imbestigasyon ng pulisya, alas-11:50 ng gabi habang papatawid ang biktima sa nasabing highway at akay-akay nito ang kaniyang bisikleta nang biglang tumbukin ng pampasaherong bus na Multi-color Kia na may plakang UVU 387 na minamaneho ni alyas Jhon.
Sa lakas ng impact, tumilapon ang biktima kasama ang dala nitong bisikleta kung saan napuruhan ang matanda sa ulo na halos mabiyak sanhi upang hindi na umabot pang buhay sa pagamutan.
- Latest
