Magsasaka binoga sa ulo, dedo

MANILA, Philippines — Patay ang isang magsasaka nang barilin sa ulo at katawan ng dalawang kalalakihan habang nagpapakain ng baka nito, kamakalawa ng hapon sa Brgy. Salao, Rosario Batangas.

Ang nasawing biktima ay kinilalang si Melchor Sabelita, 57-anyos, residente ng nasabing barangay.Habang tumakas ang dalawang hindi pa nakilalang suspek sakay ng motorsiklo.

Sa imbestigasyon ng pulisya, alas-12:30 ng hapon nang maganap ang insidente kung saan kasalukuyang nagpapakain ng mga alaga nitong baka ang biktima nang dalawang kalalakihan ang dumating at walang sabi-sabing pinagbabaril ito.

Nang duguan itong humandusay ay mabilis na tumakas ang mga suspek.