Mayor, congressman sa Cavite nagsuko ng armas
CAVITE, Philippines — Pinangunahan nina Imus City Mayor Alex “AA” Advincula at Congressman AJ Advincula ang pagsurender ng kanilang mga personal na armas kay Police Col. Alfie Salang, hepe ng Imus Police, bilang pagtugon sa programang PRO4 Implan Feel Safer o “Firearms and Explosives from Candidates/ Supporters/ Kins / Juridical for Safekeeping and Disposal an Effort Leading to a Secure, Accurate and Fair Elections in Calabarzon Region”.
Ayon kay Mayor Advincula, buong puso ang kanyang pagsuporta sa peacekeeping o pagpapanatili ng kaayusan at katahimikan na programa para sa nalalapit na Eleksyon 2025. Isang Olympic Rifle cal 5.56 ang isinuko ng alkalde habang isang Colt Pistol cal 45. naman ang kay Congressman AJ.
Sa panayam ng Pilipino Star NGAYON kay Col. Salang, sa ginawang pag-surrender ng mayor at congressman ng kanilang mga baril, ay patunay lamang ito na magiging matahimik ang darating na Election 2025 sa lungsod ng Imus at inaasahang susundan ito ng iba pang mga opisyales at kandidato ng lungsod at buong lalawigan.
- Latest
