Drug den nalansag, 6 arestado ng PDEA-9
COTABATO CITY, Philippines — Limang magkakasama sa isang drug den kabilang ang apat na menor ded-edad ang naaresto nitong Lunes sa Pagadian City, habang isa pang drug dealer ang nakunan ng P340,000 na halaga ng shabu nitong Miyerkules sa Maguindanao del Sur sa magkahiwalay na operasyon ng mga ahente ng Philippine Drug Enforcement Agency (PDEA)-9.
Sa ulat nitong Huwebes ni Maharani Gadaoni-Tosoc, director ng PDEA-9, naaresto sa isang raid ng kanilang agents nitong Lunes sa Purok Upper Lumboy sa Barangay Tuburan sa Pagadian City ang drug den operator na si Flor Ponce Espinosa, 42-anyos, at apat na mga kasama na hindi na kinilala dahil mga menor-edad.
Nakunan sila ng 25 sachet na shabu at mga drug paraphernalia na gamit sa pagsinghot sa naturang operasyon, ayon kay Gaodani-Tosoc.
Nitong Miyerkules, isang nagbebenta ng shabu malapit sa mga paaralan na si Jomarie Kabucan Sakilan, ang nakunan ng P340,00 na halaga ng shabu ng mga kasapi ng PDEA-Bangsamoro Autonomous Region in Muslim Mindanao (BARMM) sa buy-bust operation sa Brgy. Kanguan, Datu Piang, Maguindanao del Sur.
Kinumpirma nitong Huwebes ni Gil Cesario Castro, director ng PDEA-BARMM, na nasa kustodiya na nila si Sakilan at nahaharap sa kasong paglabag sa Comprehensive Dangerous Drugs Act of 2002.
- Latest