Babae, nahati katawan sa 10-wheeler truck
MANILA, Philippines — Nahati ang katawan ng 65-anyos na babae matapos masagasaan ng isang 10 wheeler truck kahapon ng umaga sa Cebu City.
Sa pamamagitan ng kanyang identification card, nakilala ang biktima na si Constancia Rosal, residente ng Brgy. Guizo, Mandaue City.
Ayon sa pahinante na si Jomari Cabradilla, tinatahak nila ang Cebu South Coastal Road (CSCR) sa South Road Properties, Cebu City nitong Linggo, dakong alas-9 ng umaga nang mangyari ang aksidente.
Patungo sila ng Minglanilla at may kargang mga tubo ng Steel Asia sa Poblacion Compostela nang biglang tumawid ang matandang biktima.
Hindi agad sumuko ang driver na si Gregorio Geoco subalit sinabi ng pahinante na si Jomari Cabradilla, nagpreno ang kanyang driver subalit huli na at tinamaan pa rin ang lola.
Sinabi naman ng ilang saksi, tumilapon ang biktima na naging sanhi ng pagkakahati ng katawan at pagkadurog ng ulo nito.
Nahaharap sa kasong reckless imprudence resulting in homicide si Geoco.
- Latest
