19-anyos estudyante dedo sa trak
BAYOMBONG, Nueva Vizcaya, Philippines — Patay ang isang 19-anyos na estudyante matapos sumalpok ang minamanehong motorsiklo sa isang nakaparadang trak sa national highway ng Barangay Busilac sa bayang ito, kamakalawa.
Kinilala ang nasawing biktima na si Mark Anthony Millare, binata at residente ng Solana, Cagayan.
Nakilala naman ang driver ng Mitsubishi dropside truck na si Jeofrey Lucio, 28-anyos, magsasaka na residente naman ng Barangay Poblacion, Ambaguio sa lalawigan na ito.
Lumalabas sa pagsisiyasat ng pulisya na patungong hilaga ang Honda na motorsiklo ni Millare nang aksidente nitong masalpok ang likurang bahagi ng nakaparadang trak ni Lucio sa gilid ng highway.
Agad na isinugod sa pagamutan ang biktima subalit idineklarang dead-on-arrival ng sumuring doktor.
- Latest
