8,000 grad sa Cotabato, sumabak sa scholarship exam
COTABATO CITY , Philippines — Aabot sa 8,000 na high school graduates ang lumahok sa mga pagsusulit para sa college scholarship program ng Cotabato provincial government sa iba’t ibang bayan sa probinsya nitong Biyernes.
Ang mga nais na maging college scholars ng tanggapan ni Cotabato Gov. Emmylou Taliño-Mendoza, na siyang chairperson ng Regional Development Council 12, ay kinabibilangan ng mga estudyanteng mga Muslim, Kristiyano, at mula sa mga etnikong indigenous communities.
Kabilang sa tumulong sa pagsasagawa ng naturang scholarship qualifying examination ang dalawang mayor ng probinsya na sina Rolly Sacdalan ng Midsayap at Evangeline Guzman ng Kabacan, na parehong hinikayat, sa mga hiwalay na dayalogo, ang mga aplikante na sundin ang regulasyon ng programa kung magiging ganap na benepisyaryo na nito.
Ayon kay Sacdalan, isa sa layunin ng free education program ng kanilang provincial government ay upang maparami pa ang professionals sa probinsya ng Cotabato kaugnay ng peace and development agenda ng Mendoza administration.
Ipinaliwanag din ni Sacdalan sa mga aplikante na ang naturang scholarship program ay suportado rin Mindanao peace process ng Malacañang na naglalayong maging mapayapa at maunlad ang mga lugar sa apektado ng Moro rebellion nitong nakalipas na mga dekada.
- Latest