Big-time ‘drug dealer’ timbog sa P3.4 milyong shabu
CAVITE, Philippines — Bumagsak sa kamay ng pulisya ang isang umano’y big-time drug dealer at pusher ng shabu sa inilatag na drug bust operation kamakalawa ng hapon sa isang parking lot ng mall sa Bacoor City.
Kinilala ang suspek na si Datuem Aliman alias “Alim”, nasa hustong gulang at residente ng Bacoor City.
Sa ulat ng pulisya, ala-1:35 ng hapon nang ilatag ng pinagsanib na puwersa ng Cavite Provincial Police Office at Philippine Drug Enforcement Agency (PDEA)- Regional Office IV-RSET 1 ang buy-bust operation laban sa suspek .
Sa parking lot ng RFC Mall sakop ng Brgy. Molino II, Bacoor City ginanap ang buy-bust kung saan isang pulis ang nagsilbing poseur buyer.
Nang maagkapalitan ng droga at buy-bust money, agad na inaresto ang suspek at nasamsam mula rito ang may 500 gramo ng shabu na nasa P3,400,000 ang halaga.
- Latest
