14-anyos binaril ng anim na beses, utas!
COTABATO CITY, Philippines — Isang 14-anyos na binatilyo ang patay matapos pagbabarilin ng hindi pa kilalang salarin sa Dinas, Zamboanga del Sur, ayon sa pulisya kahapon.
Kinilala ng Dinas Police ang nasawing menor-de-edad na si James Canillo, residente ng Upper Dimaya sa naturang bayan.
Si Canillo ay nagtamo ng anim na tama ng bala sa katawan matapos pagbabarilin ng isang gunman sa Barangay Legarda Uno sa Dinas.
Ayon sa mga residente ng Barangay Legarda Uno, pinatay si Canillo gabi ng Lunes, February 5, 2024, batay sa mga putok na kanilang narinig mula sa lugar kung saan nakita ang bangkay nito.
Wala pang linaw sa mga imbestigador ng Dinas Municipal Police Station kung sino ang pumatay sa 14-anyos na si Canillo at kung ano ang motibo sa krimen.
- Latest