Batang siklista nadaganan ng puno, pisak
COTABATO CITY, Philippines — Isang 13-anyos na bata ang patay ng madaganan ng punong niyog na nabuwal ng malakas na hangin habang nagbibisekleta sa barangay Romarate sa Aurora, Zamboanga del Sur nitong Martes.
Sa hiwalay na ulat nitong Miyerkules ng Aurora Municipal Police Station at ng local government ng naturang bayan, hindi na umabot ng buhay ang Grade 7 student na si Dexcer Alimpos Quindao kung saan siya isinugod ng mga barangay responders matapos nilang mahugot ito sa ilalim ng punong niyog na nakadagan sa kanya.
Sa pahayag ng magulang ni Quindao na sina Danilo at Leonora, biglang-bigla ang paglakas ng hangin sa kapaligiran kaya nabuwal ang ilang mga punong niyog doon at isa rito ang tumama at nakadagan sa kanya habang sakay ng bisikleta.
Naiulat na nagpahayag ng kahandaan ang local government unit ng Aurora na tumulong sa pagpapalibing kay Quindao.
- Latest