Drug dealer tiklo sa P47.6 milyong halaga ng shabu

COTABATO CITY, Philippines — Nasamsam ng mga pulis ang P47.6 milyong hala­ga ng shabu sa isang dealer sa buy-bust ope­ration sa Zamboanga City nitong gabi ng Miyerkules.

Kinilala ang naares­tong suspek na si Alkhominie Ismael Usil, ng Barangay Lamion, Bongao,Tawi-Tawi na nakumpiskahan ng 7 kilo ng shabu, nagkakahalaga ng P47.6 million.

Ayon kay Zamboanga City police director Col. Alexander Lorenzo na hindi na nanlaban si Usil nang mapansin na mga pulis na nakasibil­yan ang kanyang napagbentahan ng shabu sa isang kuwarto sa Sere­nity Inn sa Barangay Putik sa Zamboanga City.

Ang naturang drug operation ay isinagawa matapos makumpirma ang pagbebenta ng shabu ni Usil at ilang mga kasabwat.