Babae, trike driver todas sa ambush!

CAVITE, Philippines — Kapwa patay ang isang babae at ang driver ng tricycle na sinakyan nito makaraang pagbabarilin ng dalawang armadong lalaki kamakalawa ng gabi sa Kaysakat Road, Sitio Canumay, Brgy. San Jose, Antipolo City, Rizal.

Dead-on-the-spot ang mga biktima na nakilalang sina Catherine Argota, nasa hustong gulang at Ricardo Saligao Sr., driver ng tricycle.

Sa imbestigasyon ng pulisya, alas-10:00 ng gabi nang maganap ang insidente kung saan pasakay na sana ng tricycle ang biktima nang bigla itong dikitan ng dalawangd armadong kalalakihan at pagbabarilin.

Pati ang driver ng tricycle ay idinamay rin ng mga suspek na napurahan sa pamamaril.

Matapos makitang nakabulagta ang mga biktima, mabilis na nagsitakas ang mga suspek.

Kasalukuyan pang inaalam ng pulisya ang motibo sa naganap na insidente.