Criminology student na ‘top most wanted’ inaresto sa iskul
MALOLOS CITY, Bulacan, Philippines — Naaresto ng mga operatiba ng Baliwag City Police ang isang criminology student na nakatala bilang “No. 5 most wanted person (MWP)” sa buong lalawigan ng Bulacan at “Top 1 MWP” naman sa siyudad na ito dahil sa mga kasong rape.
Kinilala ni Bulacan Provincial Police Office director, Colonel Relly Arnedo, ang suspek na si Renz Reiven Pablo, 20-anyos, criminology student ng Maligaya St., Barangay Bagong Nayon.
Ayon kay Police Staff Sgt. Rafael Tagle, alas-11:30 ng umaga nitong Lunes nang arestuhin ang suspek habang nasa loob ng eskwelahan sa Brgy. Pagala.
Inaresto ang suspek sa bisa ng tatlong warrant of arrests na inilabas ni Branch 73 Olongapo City RTC Presiding Judge Edwin Chu Torres sa mga kasong panggagahasa.
Pansamantalang ikinulong sa Baliwag City Jail ang suspek kung saan walang piyansang inirekomenda ang korte laban dito.
- Latest
