Trailer truck hulog sa bangin: Driver patay, pahinante sugatan
GENERAL NAKAR, Quezon, Philippines — Hindi na umabot pang buhay sa ospital ang isang driver matapos mahulog sa minamaneho niyang Isuzu trailer truck na may kargang dalawang backhoe sa bulubunduking bahagi ng Sitio Kagusisan, Brgy Magsikap,sa bayang ito kamakalawa ng hapon.
Kasalukuyan pang inaalam ang pangalan ng biktima na walang nakuhang ID sa kanyang katawan.
Ayon sa ulat ng pulisya, tinatahak ng Isuzu trailer truck na minamaneho ng biktima ang bulubunduking bahagi ng Sitio Kagusisan nang mawalan ito ng kontrol sa manibela dahil sa bigat ng kargang mga backhoe na nagresulta sa pagkahulog nito sa bangin.
Nakatalon ang helper na si alyas Manny mula sa truck ngunit hindi naman nakaalis ang driver makaraang maipit sa loob ng truck at kasama ng truck na nahulog sa bangin bunsod upang magkalasug-lasog ang katawan na kanyang ikinasawi.
- Latest
