P31.3 milyong marijuana sinunog sa Kalinga
BAGUIO, Philippines — Nasa kabuuang P31.3 milyong halaga ng marijuana mula sa iba’t ibang plantasyon sa Tinglayan, Kalinga ang sinunog ng mga awtoridad nitong linggo.
Ang sinunog nitong Biyernes na marijuana na umaabot na naturang halaga ay natagpuan sa mga lugar sa Barangays Butbut Proper, Tulgao West, at Loccong; lahat sa Tinglayan mula sa operasyon nitong Miyerkules hanggang Biyernes.
Nadiskubre ng mga operatiba ng Philippine National Police at Philippine Drug Enforcement Agency agents ang 156,700 fully grown marijuana plants sa 9 plantation sites na may kabuuang land area na 14,550 square meters.
Nabatid na nasa 15,000 tanim na marijuana na nagkakahalaga ng P3,000,000 ang binunot sa Butbut Proper; 54,500 marijuana plants na P10,900,000 ang halaga sa Tulgao West, at 87,000 marijuana plants na nagkakahalaga ng P17,440,000 ang nabunot din sa Loccong.
Sa lahat ng operasyon, sinabi ni Rosel Sarmiento, spokesperson ng PDEA-CAR, na walang nahuling “cultivator” ng ipinagbabawal na mga tanim na marijuana.
- Latest