Bangkay ng bebot lumutang sa dagat

SUBIC, Zambales, Philippines — Natagpuan ng mga residente ang isang bangkay ng babae na palutang-lutang sa karagatan sakop ng Barangay Cawag ng bayang ito, kamakalawa ng hapon.

Kaagad na ipinagbigay-alam ng mga residente sa mga otoridad ang natagpuang bangkay na nakasuot ng itim na short at kulay violet na damit pang itaas.

Tinatayang nasa 4 hanggang 5 talampakan ang taas, morena ang kulay, may suot na hikaw, relo, at bracelet.

Patuloy pa ang imbestigasyon sa insidente partikular ang pagkakilanlan ng biktima.

Nanawagan naman ang mga otoridad sa mga kaanak ng biktima kung may nawawala silang kamag-anak na may kaparehong description na makipag-ugnayan sa Subic Municipal Police Station sa pamamagitan ng kanilang hotline number 0998-598-5503.