Bulacan maghihigpit kontra ­illegal mining at pagputol ng puno

MANILA, Philippines — Mahigpit ang gagawing pagbabantay ng Bulacan Environment and Natural Resources o BENRO laban sa mga iligal na pagmimina ng lupa at pagpuputol ng puno.

Ayon kay BENRO Head Julius Victor Degala, paiigtingin nila ang pagbabantay sa mga illegal na nagmimina at nagtrotroso upang protektahan ang kapaligiran ng buong lalawigan.

Bilang karagdagan, bumuo rin ang kanilang tanggapan ng roving team na magbabantay sa mga checkpoint bukod pa sa regular na alas-8:00 ng umaga hanggang alas-5:00 ng hapon.

Nilinaw naman ni Gobernador Daniel Fernando na mataas ang pangangailangan sa quarrying at nagbibigay ito ng hanapbuhay sa mga Bulakenyo ngunit kailangan itong kontrolin at mahigpit na bantayan.