Motor vs motor: Lady cop todas
MANILA, Philippines — Idineklarang dead-on-arrival sa ospital ang isang pulis matapos na sumalpok ang minamanehong motorsiklo sa isa ring motorsiklo,naganap sa Bunawan, Agusan del Sur.
Kinilala ang nasawi na si Police Staff Sergeant Angeline Ong-Alo, 39, residente ng P-Atupan, Nasipit, Agusan del Norte at nakatalaga sa Agusan del Norte Provincial Police Office.
Ginagamot naman sa ospital ang sugatang si Gerry Geronda, matapos na magtamo ng mga pasa at sugatan sa iba’t ibang bahagi ng katawan.
Ayon sa Bunawan Municipal Police Station, bago nangyari ang aksidente, alas-9:00 ng umaga sa Purok 8, Simulao,Bunawan, Agusan del Sur ay kapwa binabaybay ng dalawang biktima ang kahabaan ng national highway patungong Butuan City at pagdating sa intersection ay bigla umanong lumiko pakaliwa si Geronda kaya natumbok nito ang nag-o-overtake na si Alo.
- Latest
