P80 milyong smuggled goods nasamsam

Bodega sa Bulacan ni-raid:

MANILA, Philippines — Nagkakahalaga ng P80 milyong smuggled goods ang nasamsam ng pinagsanib na puwersa ng Bureau of Customs (BOC), National Bureau of Investigation (NBI) at Philippine Coast Guard (PCG) sa isinagawang pagsalakay sa isang bodega sa Pandi, Bulacan nitong Miyerkules.

Ayon sa BOC, ang operasyon ay base sa bisa ng Letter of Authority (LOA) at Mission Order na inilabas ni Customs Commissioner Rey Leonardo Guerrero laban sa may-ari o sinumang tao na aabutan ng raiding team sa naturang bodega.

Nadiskubre ng mga operatiba sa loob ng bodega ang napakaraming mga produkto na hinihi­nalang mga puslit na ki­nabibilangan ng mga motorcycle parts at accessories, gamit pang­kusina, TV antennas, power tools, mga pekeng laruan, libro, katol, at iba pa na aabot sa halagang P80 milyon.

“The said operation was coordinated with the local Philippine National Police (PNP) and Barangay officials before proceeding and implementing the LOA,” ayon sa BOC.