Hinabol ng aso sa ‘hide and seek’
14-anyos tumalon sa ilog, patay
CAVITE, Philippines — Dahil sa takot na makagat ng aso, tumalon sa ilog ang isang 14-anyos na binatilyo sanhi ng pagkalunod nito kamakalawa ng gabi sa Brgy. Litlit, Silang Cavite.
Hindi na naisalba pa sa pagamutan ang biktimang nakilalang si Jhon Emerson Basilan, estudyante at residente ng Sitio Talon, Brgy Litlit, Silang, Cavite.
Sa imbestigasyon ni Pat. Menervin Castillo ng Silang Police, dakong alas-6:00 ng gabi habang naglalaro ang biktima kasama ang mga kaibigan ng “hide and seek” nang bigla siyang habulin ng isang matapang na aso.
Upang makaiwas, mabilis na tumalon ang takot na takot na binatilyo sa ilog subalit dahil sa may kalaliman ang tubig ay hindi na lumutang ang biktima.
Tinangka pang sagipin ng kaniyang lolo na tumalon din sa ilog ang biktima hanggang sa marekober ang katawan nito na agad itinakbo sa pagamutan subalit hindi na naisalba pa ng mga doktor.
- Latest
