Nagbibisikleta todas sa road mishap
CAVITE, Philippines — Patay ang isang biker makaraang tumbukin ng isang sasakyan habang bumabagtas sa kahabaan ng Barangay Manggahan, Gen. Trias City, Cavite, kahapon ng madaling araw.
Hindi na umabot pang buhay sa pagamutan ang biktima na hanggang sa kasalukuyan ay hindi pa rin nakilala. Siya ay tinatayang may taas na 5’5”, nakasuot ng gray na sando at asul na short pants.
Bahagya namang sugatan ang nakabanggang dridver na kasalukuyang hawak ng pulisya na nakilalang si Elazar Calingacion, 39-anyos, residente ng #95 Alulod, Indang Cavite.
Sa imbestigasyon ng pulisya, alas-5:30 ng madaling araw nang maganap ang insidente. Kasalukuyang nagbibisekleta ang biktima sa nasabing lugar nang biglang banggain ng kasalubong na pickup truck na may plakang DBX9722.
Nabatid na hindi napansin ng driver ang kasalubong na biktima.
Sa lakas ng impact, tumilapon ang biktima at napuruhan sa ulo na siya nitong ikinamatay.
- Latest
