Kagawad, 1 pa tiklo sa P3.4 milyong shabu

MAGUINDANAO, Philippines —  Arestado ang isang barangay kagawad at ang isa pa nitong kasamahan matapos na mahulihan ang mga ito ng P3.4 mil­yong halaga ng ipinagbabawal na droga sa inilun­sad na drug operations sa national highway ng Barangay Tambo, Sultan Mastura, Maguindanao kamakalawa ng hapon.

Kinilala ang mga inaresto na sina Ibra Farhan, 43-anyos, kagawad ng barangay sa Barangay Guinaopan, Tamparan, Lanao del Sur at isang Alinor Taurac, 40-anyos.

Ayon kay Director Gilbert Buenafe ng Philippine Drug Enforcement Agency-Bangsamoro Auto­nomous Region in Muslim Mindanao (PDEA-BARMM), ang mga suspek ay nagbenta ng 500 gramo ng shabu sa isang undercover agent ng PDEA, pasado alas-4:00 ng hapon nitong Biyernes.

Tinangka pang tumakas ng mga suspek ma­tapos na malaman nilang mga PDEA agents ang kanilang katransaksyon pero bigo na silang maka­takas.

Ang dalawa ay nasa kuskodya ng PDEA-BARMM headquarters sa PC Hill, Cotabato City at kakasuhan sa paglabag sa Republic Act 9165 o Comprehensive Dangerous Drugs Act of 2002.