Dengue tumama sa Subic: 2 paslit patay

ZAMBALES, Philippines — Patay ang dalawang bata matapos tamaan ng dengue sa Barangay Naugsol, Subic ng lalawigang ito.

Nabatid mula kay Municipal Health Officer Dr. Nadjimin Ngilay na ang dalawang nasawi ay isang 3-anyos na babae at isang 7-anyos na lalaki.

Hiningi naman ng lokal na pamahalaan ang pakikiisa ng mga mamamayan na maging malinis sa kanilang bakuran upang mapuksa at mapigilan ang mga lamok na nagdudulot ng sakit na dengue.

Puspusan naman ang pagsasagawa ng mga lokal na opisyal ng 4 o clock habit o cleanliness drive at fogging operation sa bawat kabahayan sa kanilang lugar.