Mag-utol na nag-aayos ng internet sa online class, nakuryente

DIMIAO, Bohol, Philippines  — Idineklarang dead on arrival sa pagamutan ang isang magkapatid  makaraang makur­yente habang nag-aayos ng linya para sa kanilang internet device kamakalawa ng hapon sa Barangay Limokon Ilaod ng lalawigang ito.

Kinilala ang mga nasawi na sina Tristian Dexter, 26-an­yos, at Christian Val, 20-an­yos, residente ng nasabing lugar.

Batay sa ulat, alas-5:30 ng hapon ay gumamit ang magkapatid ng G.I. pipe upang maging antenna na iniligay sa isang puno para mas mapabilis ang internet connection at makatulong sa online class ni Christian nang mahulog ang  bakal na tubo at natamaan ang isang poste ng kuryente kaya’t nakuryente ang mga ito.

Naisugod pa sa ospital ang magkapatid, pero idineklarang dead on arrival.