Misis tepok sa salpok ng jeep
CAVITE, Philippines — Nasawi ang isang ginang matapos salpukin ng isang pampasaherong jeep habang tumatawid sa kalsada sa Carmona, sa lalawigang ito, kamakalawa ng gabi.
Dead-on-the-spot ang biktimang si Ana Marie Macatugod, nasa hustong gulang, at residente ng Woodland Subdivision Brgy. Bancal Carmona, Cavite.
Hawak naman ng pulisya ng driver ng jeep na si Roberto Purificacion, nasa hustong gulang, residente ng Bayungan Brgy. Kaong Carmona, Cavite .
Sa ulat ng pulisya, alas-10:30 ng gabi nang maganap ang insidente, kakababa lamang ng biktima sa sinakyan nitong jeep at dumiretso na ito patawid at hindi nito napansin ang paparating na pampasaherong jeep na may plate number DWD 247 kung kaya tuluy-tuloy itong nasalpok.
Tumilapon ang biktima na nagtamao ng matinding pinsala sa ulo at iba’t-ibang bahagi ng katawan na nagresulta sa pagkamatay nito.
Agad namang naaresto ng pulisya ang driver at sinampahan na ng kaukulang kaso.
- Latest
