Mini dump truck swak sa bangin: 5 malubha
MANILA,Philippines — Lima katao ang malub-hang nasugatan makaraang aksidenteng mahulog sa bangin ang isang mini dump truck sa Brgy. Poitan, Banaue, Ifugao kamakalawa ng gabi.
Kinilala ang mga bikti-ma na sina Joshua Odan, driver; Mark Kevin Lorenzo at Laurence Villa; pawang ng Alfonso Lista, Ifugao; Junie delos Santos at Clifford Sagudo; pawang taga-San Mariano, Isabela.
Ang mga sugatan ay mabilis na isinugod sa Good News Clinic and Hospital pero dahil sa maselang kondisyon, inilipat sila sa Veterans Regional Hospital sa Bayombong, Nueva Vizcaya.
Sa report ng tanggapan ni Brig. Gen. Israel Ephraim Dickson, dakong alas-6 ng gabi habang bumabagtas ang mini dump truck na sinasakyan ng mga biktima nang mawalan ng kontrol sa manibela ang driver nito na si Odan pagsapit nila sa matarik na bahagi ng Sitio Liwang sa Brgy. Poitan.
Bunga nito, tuluy-tuloy na nahulog sa may 50 metrong lalim na bangin ang mga biktima na nagtamo ng malulubhang sugat at pagkabali ng buto sa katawan.
Ang mga biktima ay sinaklolohan ng rescue team at isinugod sa pagamutan para malapatan ng pangunahing lunas.
- Latest
