‘British couple ibalik nang buhay’ – Task force commander
Iniutos kahapon ni Joint Task Force (JTF) Hyrons Commander Major Gen. Roberto Ancan sa kanyang mga tauhan na maibalik nang buhay ang Birtish national at misis nitong Pinay na dinukot sa kanilang resort sa Tukuran, Zamboanga del Sur noong nakalipas na linggo.
Ito ay kasabay sa isinagawa ni Ancan na superbisyon sa search and rescue operation ng mga awtoridad upang masagip ang mag-asawang sina Arthur Allan at Wilma Hyrons.
“All available naval and air assets in the area are being utilized by Task Force Hyrons to conduct intensive maritime and aerial operations to intercept and block all possible withdrawal routes of the perpetrators,” pahayag naman ni AFP Western Mindanao Command Chief Lt. Gen. Cirilito Sobejana.
Inihayag ni Sobejana na may “persons of interest” na silang tinitingnan sa pagdukot sa mag-asawa pero hindi muna nito idinetalye. Tatlong facial composite sketch mula sa anim na suspek ang inilabas na ng pulisya na nakunan ng CCTV. Sa kasalukuyan, wala pa aniyang “proof of life” at wala pa ring ransom demand ang mga kidnappers.
- Latest
