2-anyos pisak sa truck

CABANATUAN CITY, Nueva Ecija  , Philippines  —  Patay ang isang 2-anyos na batang babae makaraang masagasaan ng isang mini dump truck sa Purok 6, Brgy. Bagong Sikat sa lungsod na ito noong Huwebes ng hapon. Kinilala ang nasawing biktima na si Aquisha May Dulalia, ng Purok 5, Brgy. Bagong Sikat, Cabanatuan City na idineklarang dead-on-arrival sa Good Samaritan Hospital.  

Agad namang naaresto ang drayber ng truck na si Rodrigo Carlos, 37, may-asawa ng Purok 6, Brgy. Obrero, ng nasabi ring lungsod. Sinasabing lango umano sa alak ang suspek nang maganap ang insidente.

Sa ulat, alas-4:30 ng hapon habang minamaneho ng suspek ang kulay asul na mini dump truck (WEU-533) at patungo sa direksyong hilaga nang bigla umanong tumawid ang paslit na biktima sanhi upang masalpok at masawi.