Koreano huli sa baril at droga

TUGUEGARAO CITY, Cagayan, Philippines — Isang Korean national ang inaresto ng mga otoridad matapos masamsaman ng baril at droga habang naghihintay ng kanyang flight sa Clark International Airport, Pampanga kahapon ng madaling araw. Sinabi ni Central Luzon Police Director Chief Supt. Amador Corpus na nasa departure area ng paliparan si Hoseop Yoon patungo sa Incheon, Korea nang sitahin siya ng otoridad at masamsaman ng isang cal.22 rebolber at dalawang plastic sachet ng shabu. Patuloy na sinisiyasat ng pulisya ang pagkatao ni Yoon kung may kaugnayan ito sa sindikato ng pag-aangkat ng droga sa pagitan ng Korea at Pilipinas dagdag ni Corpus.