2 Koreana natagpuang nakabigti

MANILA, Philippines — Natagpuang naka­bigti sa bintana ng kanilang silid ang da­lawang Koreana sa kanilang inuupahang apartment sa Lipa City, Batangas nitong Huwebes ng gabi.

Kasalukuyan pang inaalam ng mga awtoridad ang pagkaka­kilanlan ng dalawang dayuhang biktima.

 Sa ulat, sinabi ni Chief Supt. Guillermo Eleazar, Director ng Calabarzon (Cavite, Laguna, Batangas, Ri­zal, Quezon) Police, dakong alas-6:58 ng gabi nang ireport sa pulisya ang insidente.

Base sa imbestigasyon, ang nakabig­ting katawan ng dala­wang Koreana ay na­diskubre ni Leonardo Dacillo Tina sa loob ng kanilang apartment sa #12 Buenavista Apartment, Purok 5, Brgy. San Sebastian ng lungsod.

Agad namang nag­responde sa lugar ang Scene of the Crime Operatives (SOCO) team at iprinoseso ang crime scene.

 Kasalukuyan namang iniimbestigahan ng mga awtoridad kung may foul play sa kasong ito.