Drug suspek tiklo P1.7-M shabu

OLONGAPO CITY, Philippines - Rehas na bakal ang binagsakan ng babaeng drug peddler makaraang masakote ng mga tauhan ng Phil. Drug Enforcement Agency (PDEA) at pulisya na may bitbit na P1.7 milyong halaga ng shabu sa Olongapo City noong Sabado. Isinailalim na sa tactical interrogation ng mga awatoridad ang suspek na si Aldea Norkesa Baltdumrang. Base sa ulat ng Philippine Drug Enforcement Agency (PDEA) na naisumite sa Olongapo City Police Station, nasabat ang suspek matapos ibagsak nito ang tatlong bulto ng shabu (350 gramo) sa likuran ng bagong palengke sa bisinidad ng 20th Street sa East Bajac Bajac. Ayon sa PDEA, may ilang panahon na rin ang modus operandi na drug trade ng pamilya ng suspek na ibinibiyahe pa ang droga mula sa Mindanao papunta sa Maynila saka dinadala sa Olongapo City.