Pedestrian todas sa road mishap

CAVITE, Philippines -  Isang lalaki ang nasawi matapos na masalpok ng isang behikulo na minamaneho ng isang empleyado ng gob­yerno habang tumatawid sa kahabaan ng Aguinaldo Highway, Brgy Anabu I-D, Imus City kahapon. Dead-on-the-spot ang biktima na si Rommel Basa, nasa hustong gulang ng Brgy. Bagtas, Tanza, Cavite bunga ng matinding pinsala sa katawan. Sa ulat, alas-5:45 ng madaling araw habang tumatawid ang biktima sa nasabing  daan nang  araruhin ng isang Toyota Tamaraw wagon (WCR-820) na  minamaneho ni Loreto Hidalgo,  51, may sawa,  ng  Blk 21 Lot 27-29 Catleya St, City Homes, Resort Ville, Langcaan 2, Dasmariñas City. Tumilapon ang biktima na naging dahilan ng dagliang kamatayan. Nahaharap sa kasong reckless imprudence resulting in homicide and damage to property ang nasabing suspek.