Barangay police kinatay ng kainuman

QUEZON, Philippines -   Nagmistulang kinatay na hayop ang katawan ng 49-anyos na barangay police matapos itong pagtripang pagsasaksakin ng mag-utol na kanyang nakainuman sa Sitio Central, Barangay Talisay sa Lucena City, Quezon kamakalawa ng hapon.? Kinilala ang biktima na si Sonny Sumagdon ng Sitio Pundano habang tugis na ang mga suspek na sina Lito at Boyet Veronia, mga nakatira sa Sitio Guevarra Cabatal sa nasabing barangay.? Sa police report na nakarating kay P/Chief Insp. Alvin Consolacion, chief of police, bandang alas-5:15 ng hapon ay huling nakitang buhay ang biktima na nakikipag-inuman sa magkapatid sa bahay ng isa nilang kabarangay.? Nang malasing ang magkapatid ay pinagtulungang saksakin ang biktima saka tumakas.? Malaki ang paniniwala ng pulisya na dahil sa sobrang kalasingan ay pinagtripang paslangin ng mga suspek ang biktima.