Trader binoga dahil sa pulutan

TUGUEGARAO CITY, Cagayan, Philippines – Kritikal ang 45-an­yos na negosyante matapos itong barilin ng sariling utol na retiradong pulis dahil lamang sa simpleng kantiyawan sa inuman sa Barangay Estrella, bayan ng San Mateo, Isabela noong Linggo. Tinutugis ng pulisya ang suspek na si ret. SPO2 Benjamin Ballesteros, 49, habang isinasalba naman ang buhay ng biktimang si Franklin Ballesteros na nagtamo ng tama ng baril malapit sa puson.? Sinasabing napikon ang nakatatandang Ballesteros sa kantiyaw ng kapatid kaugnay sa lakas nitong mamulutan kaya naganap ang pamamaril. Nadatnan na lamang ang biktimang duguan na nakasubsob sa lamesa habang tumakas naman ang kuya nito.?