Ama ipinakulong ng anak

PAMPANGA, Philippines - Kalaboso ang binagsakan ng 51-anyos na ama na sinasabing lulong sa bawal na droga matapos ipakulong ng sariling anak sa Barangay Sapang Bato sa Angeles City, Pampanga kamakalawa ng hapon. Sa police report na nakarating kay P/Supt. Sydney Villaflor, Angeles City PNP director, nakatakdang kasuhan ang suspek na si Fernando Mabaga ng nabanggit na barangay. Base sa ulat ng pulisya, naghuramentado ang suspek kung saan pinagbantaang papatayin ang kanyang asawa. Gayunpaman, ipinaabot ni Ednalyn Mabaga sa himpilan ng pulisya na ang kanyang ama ay nagwawala.  Kaagad na rumesponde ang pulisya saka inaresto ang suspek na nasamsaman ng  isang plastic sachet ng shabu at ilang drug pharapernalia.