Kinalasan ng nobyo, nagbigti

TUGUEGARAO CITY, Cagayan, Philippines – Pinaniniwalaang kinalasan ng kanyang nobyo kaya nagdesisyon ang 17-anyos na dalaga na magpasalubong kay kamatayan matapos itong magbigti sa kanilang bahay sa Barangay San Jose, bayan ng Baggao, Cagayan noong araw ng Bagong Taon. Sa pahayag ni P/Chief Insp. Romar Pacis, hepe ng Baggao PNP na iimbitahan nila si Jess Taberdo na sinasabing huling nakausap ng biktimang si Alona Alonzo bago ito magbigti. Base sa police report, umuwing tulala ang biktima at nagkulong sa loob ng kanyang kuwarto matapos makipagkita kay Taberdo. Dakong tanghali nang madiskubre ng kanyang ina ang dalaga na nakabitin na sa kisame ng kanyang silid.