8 timbog sa drug bust

BULACAN, Philippines – Walong katao ang nadakip sa isinagawang drug raid noong Bagong Taon sa Brgy. Poblacion, Baliwag ng lalawigang ito.

Kinilala ang mga naarestong suspek na sina Rolando “Allan” Balaton 41; Jeffrey “Jeff” Olino, 38; Alvick Siongco, 35; Roque Alquiros, 28; Francisco Sumang, 36; Ernesto Victorino Jr., 35; Manny Rivera, 44 pawang mga residente ng Brgy. Poblacion; at Alexander Miranda, 42 ng Brgy.Tambubong sa bayan ng San Rafael.

Base sa ulat, dakong alas-5:45 ng hapon ay nagsagawa ng buy bust operation ang mga otoridad sa Sitio Dike, Brgy. Poblacion hinggil sa sumbong na lantarang nagbebenta ng shabu nina Olino at Balaton.

Nagpanggap na poseur buyer ang isang pulis upang bumili ng shabu kina Olino at Balaton at nang makapagbenta na ay umalis ang mga suspek subalit sinundan sila ng mga nakaposteng pulis sa lugar saka pumasok sa isang bahay.

Kaagad namang sinalakay ang bahay na naging dahilan upang maaktuhan ang anim na iba pa na kasalukuyang nagsasagawa ng pot session na nagresulta sa pagkakaaresto sa kanila.