Drug peddler utas sa shootout

BULACAN, Philippines – Napatay ang sinasabing notoryus na drug peddler matapos itong makipagbarilan sa mga operatiba ng pulisya sa Barangay Talbak, bayan ng Doña Remedios Trinidad, Bulacan kahapon ng umaga. Sa ulat na nakarating kay P/SInsp. Isagani Santos, sinalakay ng pulisya ang bahay ni Melvon Trinidad matapos makatanggap ng impormasyon na ginagawang shabu tiangge ang nasabing lugar. Habang papalapit ang pulisya sa itinurong bahay ay pinutukan sila ni Trinidad kung saan nauwi sa shootout hanggang sa mapatay ito. Nabatid na si Trinidad ay may nakabimbing kasong carnapping at direct assult sa sala ni Judge Belen Ringpis-Liban ng Malolos City Regional Trial Court Branch 85 sa Bulacan. Narekober sa bahay ni Trinidad ang cal.45 pistol, mga bala ng baril, at ilang pakete ng shabu.