Lover ni misis dinedo ni mister
NORTH COTABATO, Philippines – Napatay ang 34-anyos na lalaki habang kritikal naman ang babaeng kasama nito makaraang pagbabarilin ng mister ng huli sa panulukan ng Roxas at Mantawil Street sa Barangay Poblacion sa bayan ng Kabacan, North Cotabato kamakalawa ng gabi. Kinilala ni P/Senior Insp. Ronnie Cordero, hepe ng Kabacan PNP ang napatay na si Loloy Sumalpong Bel ng Roxas Street habang malubha naman ang misis na si Cherry Sumatra, 36, ng nasabing barangay. Agad namang tumakas ng suspek na si Ram Hiponia Cea na dating miyembero ng police ARMM-regional office na sinasabing asawa ni Cherry. Base sa police report, naglalakad ang magkalaguyo nang harangin at pagbabarilin ng suspek. Narekober sa crime scene ang mga basyo ng bala ng cal. 9mm pistol.
- Latest
