Nanay patay sa baril ng anak

TUGUEGARAO CITY, Philippines – Dead-on-the-spot ang isang 58-anyos na nanay matapos na tamaan ng bala mula sa baril na sumpak ng adik na anak nang aksidente niya itong makalabit kamakalawa sa  loob ng kanilang bahay sa Barangay Magdalena, Cabatuan, Isabela. ?

Ang nasawi ay kinilalang si Dominga Guevarra dahil sa tama ng bala ng sumpak sa leeg nito. Habang tumakas ang anak nitong si Eddie Boy Guevarra, 25.?

Lumalabas sa imbestigasyon na lango sa droga ang suspek na nagwala sa kanilang lugar tangan ang sumpak.?

Nang matunugan na siya ay darakpin ng mga nagrespondeng pulis ay agad niyang itinago ang baril at mga drug paraphernalia sa isang sako bago tumakas.?

Isusuko sana ng ina ng suspek ang sako, subalit aksidente nitong nakalabit at napaputok ang sumpak na nasa sako at tinamaan ito ng sharpnel sa leeg na sanhi ng agad niyang kamatayan.