Trader timbog sa droga

SANTIAGO CITY, Isabela, Philippines – Isang kilalang negosyante at itinututuring na number 3 sa drug watchlist ng pulisya sa lalawigang ito ang naaresto matapos mahulog sa isang buy bust operation ng pulisya sa bayan ng Solano, Nueva Vizcaya kamakalawa.

Kinilala ang suspek na si Dante Miguel, 42, residente ng no. 36, Magsaysay Street, Barangay 3, San Mateo, Isabela at number 3 sa Drug Watch List ng San Mateo Police Station.

Ang nasabing suspek ay inaresto matapos ang isinagawang drug buy bust operation sa Christine Village, Purok-4 Bagahabag, Solano, Nueva Vizcaya ng mga operatiba ng pulisya.

Nakuha sa kanyang pag-iingat ang isang maliit na heat-sealed transparent plastic sachet na naglalaman ng pinaniniwalaang shabu at ang ginamit na buy bust money.

Agad din na nakalaya ang suspek matapos magbayad ng kaukulang piyansa.