Sayyaf ambush: 2 sundalo todas

MANILA, Philippines – Dalawang sundalo ang napatay makaraang tambangan ng mga bandidong Abu Sayyaf Group sa bisinidad ng Barangay Latih sa bayan ng Patikul, Sulu kamakalawa ng hapon. Kinilala  ang dalawang sundalo na sina Pfc. Bryan Sayson ng Kapatagan, Lanao del Norte; at Pfc. Rey Lucasan ng Tambulig, Zamboanga del Sur  na mga miyembro ng Charlie Company ng Army’s 35th Infantry Battalion na nakatalaga sa Latih Detachment. Ayon kay Col. Allan Arrojado, commander ng Joint Task Group Sulu, nakasibilyan at lulan ng motorsiklo ang dalawa na pabalik sa kanilang detachment mula sa palengke nang makasalubong si kamatayan. Samantala, nagsagawa ng reinforcement operations ang tropa ng sundalo kung saan nakasagupa ang mga bandido na tumagal ng limang minuto. Narekober sa encounter site ang M16 rifle, cal. 30 automatic rifle at cellphone.