Mag-utol nilamon ng dagat

MANILA, Philippines – Magkasunod na sinalubong ni kamatayan ang magkapatid matapos itong malunod sa karagatan ng Barangay Butuan sa bayan ng Aninni-y, Antique noong Biyernes ng hapon. Sa ulat ng Antique Police na isinumite sa Camp Crame, kasalukuyang pinaghahanap ang magkapatid na Riel Kurt Inson, 14; at Rickson Inson, 12, habang nailigtas naman ng mga sumaklolong residente ang tatlo pang kaibigang kapwa estudyante na sina Cyrus Magbanua, 14; Moises Sasi,12; at si Elmer John Niangar,12. Nabatid na nagkatuwaan ang limang estudyante na mangisda sa nasabing lugar kahit masama ang panahon. Gayon pa man, tinangay ng malakas na alon ang mga biktimang nasa dalampasigan. Nasaksihan naman ng ilang residente kaya sinaklolohan ang mga bata kung saan tatlo sa mga ito ang nailigtas.