Kotse sumalpok sa puno: Pari patay!
CAMP SIMEON OLA, Legazpi City, Philippines – Patay ang isang 53-anyos na pari matapos na sumalpok ang sinasakyan nitong kotse sa isang puno ng narra sa Barangay Gingaroy, Tigaon, Camarines Sur, kamakalawa.
Hindi na umabot pang buhay sa Tigaon Primary Hospital ang biktima na si Rev. Fr. Juancho Abelligos, 53, binata at residente ng San Isidro St. Tinambac, Camarines Sur.
Ayon sa ulat, alas 2:45 ng madaling-araw habang ang biktimang pari ay sakay ng minamanehong sasakyan (AXA-3414) nang mawalan ng kontrol sa manibela at mabilis na bumangga sa isang puno ng narra na nasa tabi ng kalsada.
Sa lakas ng impak, tumilapon palabas ng kotse ang pari at nawasak ang sasakyan nito.
Patungo sa bayan ng Ocampo, Camarines Sur ang paring biktima kung saan siya nakatalaga bilang pari nang maganap ang insidente.
- Latest
