Sundalo tinambangan ng NPA sa Cotabato

MANILA, Philippines – Utas ang isang sundalo matapos tambangan ng mga miyembro ng New People's Army sa North Cotabato ngayong Biyernes.

Nakilala ang biktimang si Corporal Ricardo Paghubasan na binaril sa ulo, habang sugatan naman ang kasamahan niyang si Corporal Eric Dimapitan. Kapwa miyembro ng 57th Infantry Battalion ang mga biktima.

Patungo sana sa isang outreach program ng militar ang mga biktima nang pagbabarilin ng mga rebelde sa pagitan ng barangay Mahongkong at Temporan sa bayan ng Magpet bandang 6:40 ng umaga.

Kaagad nasawi sa insidentesi Paghubasan, habang nakalaban pa si Dimapitan.

Naka red alert na ang militar upang matiyak ang seguridad ng bansa laban sa inaasahang pag-atake ng NPA na magdaraos ng kanilang anibersaryo sa Marso 29.