15-anyos nag-amok: Pinsan inutas, ina grabe

TUGUEGARAO CITY, Cagayan, Philippines - Tinutugis ngayon ng pulis­ya ang 15-anyos na binatilyong lango sa droga matapos nitong barilin at mapatay ang kanyang pinsan habang malubha naman ang sariling ina at tiyahin sa bahagi ng Asin Road, Irisan, Baguio City kamakalawa. ?Ayon kay PO3 Arnold Jose, nakikipagbuno kay kamatayan sa Baguio City General Hospital and Medical Center ang 48-anyos na ina na si Maurice Fakat 48 matapos mabaril ng anak na si Prince Kenneth sa bibig.? Nabatid na nauwi sa pamamaril ang pagtatalo ng mag-ina nang tumangging magbigay ng pera sa anak.? Lumalabas sa imbestigasyon na tinangkang umawat ng pinsan ng suspect na si Bobby Glen Fakat subalit binaril ito sa ulo.? Ayon sa report, umakyat ang suspek sa ikatlong palapag ng kanilang bahay kung saan nabaril din sa kamay ang tiyahing si Sylvia Fakat bago ito tumakas. Raymund Catindig