Trader kinidnap ng Sayyaf

MANILA, Philippines - Dinukot ng anim na armadong kalalakihan na sinasabing mga bandidong Abu Sayyaf ang 58-anyos na negosyanteng Chinese sa panibagong insidente ng kidnapping sa bayan ng Jolo, Sulu kamakalawa. Kinilala ni Army’s regional spokesperson Captain Rowena Muyuela ang  panibagong bihag na si Hya Dingkim Yap ng Barangay Chinese Pier sa nasabing bayan. Base sa police report na isinumite sa Camp Crame, ang biktima ay isinakay sa asul na Tamaraw FX na walang plaka. Inilunsad na ng mga tauhan ng Joint Task Group (JTF) Sulu at ang  lokal na pulisya ang malawakang operasyon upang iligtas ang bihag. Sa tala ng militar, aabot sa walong bihag ng mga bandido sa Sulu na kinabibilangan ng mga dayuhan at negosyante ang kasalukuyang pinaghahanap para mailigtas.